Pa celebra Dia di Maestro e sindicato di e sector aki Sindicato di Maestronan Aruba (SIMAR) a organisa algo special pa su miembronan na nan sede na Sero Blanco.
Presidente Josephine Albertus a splica cu e idea tabata pa duna algo bek na e maestronan cu ta haciendo un tremendo trabou, principalmente den e periodo dificil cu Aruba ta confronta.
Durante e evento a entrega nan un mondkapje special cu su hand sanitizer. E anochi aki a re-inaugura e website di e sindicato: www.simar.aw Ta pidi tur miembro pa subi e website y registra nan mes como miembro di e organisacion. Otro luna tin votacion pa un directiva nobo y esaki lo tuma luga online. Pero riba e website tin mas informacion cu ta regarda nan trabou y leynan importante pa nan funcionamento y conocemento general.
