Riba 13 di maart 2023 a lansa e prome buki den Reino Hulandes titula ‘E derechonan di pashent’ y awor lo bai tin charlanan completamente gratis cerca di cas!
E autor, mr.dr. Jayburtt J. Dijkhoff conhuntamente cu Fundacion SIKI Aruba, ya a bishita varios organisacion caba, dunando charla gratis.
Cuminsando for di luna di mei, riba casi tur diaranson e autor lo bishita un Centro di Bario na Aruba. Tur charla lo bay ta di 7:00pm pa 9:00pm. Entrada lo ta completamente gratis.
Na tur centro lo papia tocante tur e derechonan di pashent y lo subraya un topico specifico. E charlanan lo tuma lugar como lo siguiente:
3 mei Centro di Bario Noord Acceso na informacion
10 mei Centro di Bario Brazil Privacidad
17 mei Centro di Bario Dakota Derecho- y Obligacionnan di pashent
31 mei Centro di Bario Playa Pabao Responsabilidad medico
14 juni Centro di Bario Lago Heights Right to file a complaint
21 juni Centro Famia Piedra Plat AZV
28 juni Centro di Bario Savaneta Cuido di adulto mayor
5 juli Centro San Martin, Santa Cruz Representacion legal
E charlanan ta bay ta na papiamento, pero na Centro di Bario Lago Heights esaki lo ta na ingles.
Pa esunnan interesa e buki lo ta obtenibel pa solamente Afl. 35,-.
Esun cu no sa su derecho, ta mescos cu e no tin derecho. Keda informa y participa na e charla den bo bario ‘E derechonan di pashent’.
Un danki na CEDE ARUBA pa patronisa e charlanan aki na beneficio di henter pueblo di Aruba.
Pa mas informacion bishita www.sikiaruba.org of sigui nos pagina di Facebook di SIKI Aruba.
