Fundacion Pa Nos Comunidad (FPNC) tin varios aña ta haciendo actividad di “Back to School”, p’e muchanan tin un aña nobo escolar cu articulo nobo, segun Gianaika Van der Biezen, director di e fundacion.
Sinembargo e fundacion tabatin algo extra. A reparti shen cincuenta voucher pa mucha homber cerca cinco barbero cu a pone nan mes disponibel pa por corta nan cabey y haci un trabao bunita p’e muchanan, p’asina nan cuminsa e aña nobo cu un look fresco.
“Un corta di cabey ta haci tur mucha contento, esey awe di berdad nos a mira esey riba e caranan,” ta loke cu Van der Biezen a comenta.
Awendia e mucha hombernan kier un liña y bunita pela. Ta contribui p’e muchanan por tin algo nobo, bunita, pa nan keda nechi y representa pa bay scol. Ta algo importante, segun Van der Biezen y por a mira esey riba e caranan.
Van der Biezen ta gradici tur cu a yuda pa haci e parti logistica, pasa busca e muchanan y hiba nan cas bek, ya cu tin di nan no tabatin transporte.
A cuminsa for di 8:00 am te cu 6:00 pm pa haci esaki posibel. Shen cincuenta mucha ta hopi pa un corte di cabey, ta loke cu Van der Biezen a indica.
