E clientenan di SETAR awo por aplica pa nan servicio di IPTV via e IPTV Form Online na https://store.setar.aw/iptv-new-application. Esaki ta duna e clientenan e opcion pa haci un peticion pa IPTV (y Internet si ta desea) online sin tin nodo di bishita un di SETAR su Teleshopnan.
Via e IPTV Form Online, e cliente mes por scoge su pakete, indica cuanto conexion pa television ta desea, si kier Internet acerca y si tin apartamento tambe por haci e peticion pa esaki di biaha. E clientenan cu haci uzo di e IPTV Form Online ta haya e instalacion di IPTV y Internet completamente gratis.
IPTV ta e solucion cu ta reemplasa e sistema actual di Cable TV, esta Cable Digital. IPTV ta bin cu un sistema nobo di Wi-Fi yama Wi-Fi Mesh. E sistema di IPTV cu su mesh ta mehora e cobertura di Wi-Fi na cas y tambe ta cambia e experiencia di wak television, cu un user interface completamente nobo, moderno y interactivo.
Ademas, IPTV tin e beneficionan manera Recordings, Start Over, Catch-up TV, What’s On, Streaming riba celular y tablet cu e SETAR Live App ora ta na cas. Esaki ta disponibel pa 80 canal. E SETAR Live App ta obtenibel gratis riba iOS y Android como tambe e SETAR Home Internet App. Cu e SETAR Home Internet App bo por setup parental control, schedule pa paga/cende Wi-Fi na cas p’asina spaar coriente, por tin control di tur aparato conecta, maneha un “Guest Network” ora cu tin bishita na cas y mucho mas.
E Team di SETAR ta trahando duro pa cambia tur nos clientenan pa e sistema nobo di bario pa bario p’asina brinda tur cliente e experiencia di lo ultimo den tecnologia di television.
