Conforme articulo 24 di e ley di Ordenansa Electoral, Hoofdstembureau ta participa cu lo tin un sesion digital accesibel pa tur votador tocante e validez di e listanan di candidatonan entrega dia 7 mei 2021. E sesion lo tuma luga:
Dia: 28 mei 2021
Ora: 10:00 am
Lugar: www.censo.aw/main/verkiezingen-2021/livestream
Registro Civil y Censo situa na Schoolstraat 2 (Hotel Colombia)
E sesion aki ta pa dicidi riba e validez di e listanan di candidato entrega dia 7 mei 2021 y si ta mantene e candidatonan cu ta aparece riba e listanan segun e reglanan menciona den articulo 25 y 26 di e ley di Ordenansa Electoral. Si dentro di dos dia no tin apelacion contra di e decision aki, Hoofdstembureau lo numera e listanan segun lot y lo duna color (si ta necesario door di lot tambe) den un sesion igual.
Esaki lo sosode den e mesun forma dia 2 juni 2021 pa 10:00 am. Si tin apelacion na corte pa cu e validez di e listanan, e sesion di numeracion y duna color lo tuma lugar mas tarda dia 14 juni 2021.
