Patras di Hotel Central a mira cu keto bay chollernan ta benta sushi. Mas biaha Serlimar ta haci limpiesa. E sushedadnan aki ta di comerciantenan cu ta duna chollernan dos of tres florin pa benta sushi afo.
E chollernan ta djis bentanan patras di Hotel Central. Awo atrobe Serlimar a pone cuater ploeg y haci limpiesa. Durante entrevista cu Erwin Werleman, kende ta encarga cu e limpiesa, a splica un tiki riba e problema aki y limpiesa.
El a comenta cu via un noticiero a ripara e situacion tras di e hotel, cual a confirma cu ta berdad. A tene un accion di limpiesa di biaha pa haci’e limpi pasobra ta parti masha mahos den e parti di centro di ciudad. Locual cu ta pasando ta, cu tin varios negoshante chikito cu ta coopera hunto cu e adictonan ambulante cu ta trece tur e sushinan actualmente cu ta bin para tras di e edificio. Ta dificil pa controla ken ta haci tipo di cosnan aki. Ta pidi un cooperacion di e negoshantenan cu ta coopera cu esaki, aunke cu no ta tur, pa deshaci di e sushi na un manera adecuado. Paga un compania pa haci’e pabo, pasobra e cos aki ta increibel pa haci’e den centro di ciudad.
Share un bari
Por share sigur un bari. Esey tambe ta posibel segun Werleman.
Accion den pasado
E ta sigui conta cu actualmente Serlimar no ta bisa pa esey, pero tin varios departamento cu por haci esey. E cos aki ta algo cu ta dificil, segun Werleman.
Ki tipo di sushi
Por ripara cu ta trata di sushi cu ta bin di parti di snacks of cualkier negoshi chikito. Ta increibel tipo di sushinan manera bleki di Icetea, boter, varios otro cos cu no ta cuadra eytras.
Papia cu adictonan
Ta papia cu adictonan, nan ta duna cierto nombernan, pero te eynan ta keda den e parti eynan.
Limpiesa
Si conta bon, ta varios biaha a haci’e limpi. A haci e luga limpi hunto cu minister Dowers, kende a bay papia cu e adictonan ambulante, mas den comienso di aña. Awe a bin cu algun ploeg. Tabata tin 4 ploeg riba veld, fuera un bobcat pa haci e luga mas limpi posibel pa e keda netjes.
Vigilancia
Werleman ta splica cu ta bal la pena pa cera e area of mester tin un vigilancia constant. Pero parti anochi ta bay haya tipo di cosnan aki asina. E ta bay sigui sosode.
