Diasabra ultimo Aruba su seleccion nacional a biaha pa Bradenton, Florida pa hunga dos wega eliminatorio di Campeonato Mundial di Futbol Qatar 2022. Diaranson awor 2 di juni, e seleccion nacional lo enfrenta e ekipo di Cayman Islands pa 6:00 di atardi den IMG Academy Soccer Stadium na Tampa y diasabra 5 di juni contra di e ekipo di Canada pa 8:00 di anochi den e mesun stadion.
Arubaanse Voetbal Bond a haci su maximo esfuerso y a busca 10 hungadonan residencia na Hulanda y Venezuela pa bin reforsa e seleccion nacional. E 10 hungadonan ta Fernando Lewis, Darryl Bally, Noah Harms, Diederick Luydens, Marlon Pereira, Jonathan Richard, Joshua John, Javier Jimenez, Terence Groothusen y Glenbert Croes.
