E dianan 28 te cu 6 di augustus proximo, e seleccion di Little League 9 – 10 anja di Aruba South League tin un compromiso internacional den e torneo Latino Americano cu e anja aki lotuma lugar na Fajardo, Puerto Rico.
Despues cu Aruba South Little League a gana e drecho di representa Aruba door di gana e Interliga contra di North y Center, e muchanan a cuminsa prepara nan mes debidamente pa e torneo internacional aki. E seleccion di Aruba South Little League 9 – 10 anja ta cla pa bataya contra e miho paisnan den nos region pa e titulo maximo. E seleccion Aruba South Little League ta consisti di 13 hungador kendenan ta Taryone Punselie, Raphael Zion Nicholaas, Urmain Dinzey, Clarence Noguera, Mirsean Geerman, Djean Marcares, Antoine Pina, Tyree Koeiman, Marc Rasmijn, Narvin Meyer, Juan David Brown, Juan Ramada Mora, Kaden Hernandez. Como manager lo biaha Lyle Rombley hunto cu coachnan Eldwin Geerman y Tyrone Punselie y delegado Maureen Vlaun
Mester bisa cu varios pais a confirma nan participacion na e serie Latino Americano aki manera Colombia, Republica Dominicana, Venezuela, Nicaragua, St. Maarten, St. Thomas, Mexico, Guatemala, Honduras, Panama, Curacao, Puerto Rico Moca, Puerto Rico Fajardo, Puerto Rico San Juan y Aruba.
Mester bisa cu mirando e mayornan mes a yuda hasi todo lo posibel pa recauda fondo unda
tabata tin cierto gastonan envolvi, a aserca Lotto pa yuda cu un donacion. Como un instancia
responsabel cu ta percura pa yuda e deporte y nos atletanan pa asina representa nos isla
dignamente den exterior a contribui cu un suma substancial na e organisacion di Aruba South
Little League. Un danki sigur na Lotto, e Loteria di Aruba pa medio di Comision di Subsidio cu a yuda subsidia e biahe di e delegacion di Aruba South Little League pa e Latino Americano na Fajardo, Puerto Rico. Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
