Barco Hulandes a haya cargamento grandi di droga y seis persona ta bay pasa aña nobo sin libertad. No ta trata di hende local, pero hende di exterior.
E barco Hulandes ta cuida e area di Caribe Hulandes y awa internacional hunto cu Coast Guard Mericano. Na momento cu e barco a mara na waf, DEA a subi abordo dje barco.
Den ora di marduga nan a haya un hallazgo grandi y hasta a los tiro pa para un embarcacion carga di droga. E barco di Marina Real Hulandes ta mara na waf, pasobra a bin entrega e detenidonan na autoridad di Aruba. Na sitio tabatin presencia di fiscal, departamento di droga, Cuerpo Tecnico, polis pa stroba pasada di cualkier vehiculo cu no tin di haber cu investigacion.
Informacion ricibi cu e detenidonan ta procedente di Colombia. CEA a transporta tur e personanan aki pa warda di polis unda lo interoga nan. No por bisa si e personanan aki ta keda Aruba of lo duna nan autoridad Mericano.
