Ayera 6 Militar di Region Karibe Hulandes por a risibí nan sertifikashon komo instruktor den forma di un feneta, e asina yamá ‘Uiltje’ (palabrua). Ta di promé biaha ku Marina Real por otorgá e pin aki na 5 Militar di Kòrsou i 1 Militar di Aruba. Siman pasá e instruktornan nobo aki a demostrá mediante un evaluashon ku a hasi di nan, ku nan ta kompetente pa trein otro Militar.
E treinen nan, ku deskanso intermedio, a start na 2020. COVID, diferensha di kultura i barera di idioma a sòru pa retonan; no opstante esakinan e kandidatonan tur e tempu aki a keda motivá pa kompletá e formashon ku éksito. E Hefe di Departamento di Formashon di Marina Real, KTZ Meijer, personalmente a entregá e feneta nan na Kazèrne di Marina na Suffisant, Kòrsou.
E logro memorabel aki ta un paso grandi pa Militarnan di Karibe Hulandes. E instruktornan for di awor por trein reklutonan nobo pa bira militar. Banda di esei, nan por duna formashon avansá na personal Militar aktual. E 6 instruktornan nobo ta e promé Instruktornan den e parti di Karibe Hulandes di Reino.
