Mas cu 41 miyon persona na Latino America y Caribe ta biba den areanan unda cu nan ta extra vulnerabel pa e consecuencianan di cambio climatologico, segun un advertencia di un organisacion di Nacionnan Uni.
Esey ta bini door cu nan ta situa den areanan cu ta keda abou. Ta trata di comunidadnan na Aruba y Surnam, segun e informe.
Segun fondo di poblacion di Nacionnan Uni (UNFPA) cu imagen di satelite y otro data a haci investigacion riba e areanan unda cu e poblacion ta core extra peligro. A studia e gruponan cu mas peligro ta core a causa di tormentanan, horcan of inundacion. E problemanan ey ta bira mas grandi door di cambio di clima. E 41 miyon di personanan aki ta mas o menos 6 porciento di e poblacion di Latino America y Caribe.
Un di e problemanan cu UNFPA ta mira ta cu un gran parti di e hospitalnan ta vulnerabel, y ta construi den areanan abou. Na Cayman Islands, Bahamas, Guyana y tambe na Aruba y Surinam. Esaki segun e organisacion di Nacionnan Uni.
