Instalacion di scout na Savaneta tambe a bira victima di vandalista / ladronnan den e temporada di crisis aki. E sorpresa desagradabel aki nan a haya diadomingo mainta.
Tabata rond di 3’or di atardi cu e lider a bay controla e sede di Sint Hycinthus Scouting Aruba, patras di Funari na Savaneta. E actividadnan a bira hopi menos den e temporada aki, cu e ladronnan a probecha. Ora cu e lider a yega a constata cu e glasnan di bentana y porta tabata kibra.
Den e sede nan tin tur material cu nan ta uza pa nan actividadnan di scouting, inclusive nan instrumentnan musical. Danki Dios cu e bentana y portanan tin baranan di hero cu nan no a logra paden y horta e material. Pero asina mes nan a causa daño na e algun di e instrumentnan.
Normalmente ta uza e instalacion aki tur diasabra.
