Pa Secretario di estado demisionario na Hulanda, Alexandra van Huffelen, na momentonan aki ta un poco dificil pa por bisa algo tocante e formacion di gobierno nobo na Hulanda, ta basta trempan ainda den e proceso. Locual si ta sigur ta cu Geert Wilders ta e partido awo di mas grandi cu e posibilidad pa forma e gobierno. Ya caba a cuminsa cu e prome paso cu e sondeo, cu lo cuminsa mira cua partidonan lo kier forma un gobierno hunto.
VVD a informa caba cu nan no kier ta den un gabinete na e momentonan aki, tin mas partido tambe riba esaki dus ta pensa cu lo bay tuma un poco prome cu tin un gobierno nobo na Hulanda. Van Huffelen ta bisa cu naturalmente un gobierno nobo tin su posibilidad pa haci acuerdonan nobo. Palabracionnan toch ta tweezijdig dus mester di e islanan tambe den dialogo. Van Huffelen ta pensa cu e no ta kere zomaar cosnan lo bay cambia. “Loke si mi ta haya importante ta cu palabracionnan haci cu e paisnan tocante Onderlinge regeling, pa por traha hunto cu otro, ehecuta proyectonan, mester sigui. Cu eseynan mas hopi posibel por keda mescos y cu e gobierno nobo no tuma otro posicionnan.” Van Huffelen ta spera cu mucho cos no cambia pero esey no ta keda na e administracion aki, ta purba toch pa realisa mas cu por e temponan venidero.
Riba e pregunta si lo bay pone poco presion pa asina por cuminsa rond af cierto acuerdonan mas lihe posibel, “Mi semper tin pura eigenlijk pasobra proyectonan riba clima of otronan, mi no por warda te ora cu por cuminsa traha riba esaki. Pasobra esey tur ta proyectonan dirigi pa energia mas sostenibel, pa stimula economia. Mi ta spera nos por cuminsa mas lihe posibel” segun van Huffelen.
