Un pashent di dokter di cas Sneek no tabata contento di e forma con secretaria a trat’e. E pashent ta cuestiona e actitud di arogancia cu el a ricibi for di e secretaria. E pashent ta un hende cu problema di wowo y desde mainta trempan el a presenta na su dokter di cas.
Miriam Maduro, pashent di dr. Sneek, a bisa di no ta contento y cada bes e ta presenta na dokter. E ta perde un momento di trabou pa bay dokter, pero nan ta mand’e di un banda pa otro. Desde 7:00AM e ta na dokter y e forma con e secretaria a papia, ta pone puntra si e dokter sa ken su secretaria ta. El a bisa cu asina dokter ta perde cliente y nan ta bay busca un otro dokter.
E forma ey ta mal manera p’e pueblo, pasobra nan kier acerca dokter. El a fada di e situacion y kier sa ki ora e ta bay dokter di wowo na San Nicolas. P’e bay mester di e papel di dokter di cas. Maduro a expresa cu e problema no ta dokter Sneek, pero secretaria cu a perde respet na su persona.
Mainta trempan el a yama riba celular di dr. Sneek y e secretaria a contesta bisando “si e kier, e por pasa 3:00PM”. Esaki ta prome biaha cu el a ricibi un trato asina di e secretaria.
