E bishita recien di Minister Geoffrey Wever na Scol Primario Kudawecha a revela un interaccion extraordinario entre e studiantenan di klas 6 riba e temanan relaciona cu “Sustainable Development Goals” (SDG’s). Durante e mandatario su presentacion, e muchanan a demostra un afinidad natural pa e asuntonan discuti y cu un entusiasmo hopi activo pa participa den e dialogo.
E muchanan di Scol Primario Kudawecha a expresa nan ideanan y vision relaciona cu e tema di SDG’s pa Aruba, demostrando no solamente un comprension di e metanan pero tambe un deseo berdadero pa contribui na un mundo mas sostenibel.
![](https://24ora.com/wp-content/uploads/2023/11/20231127_GBW_SDG_Kudawecha-001-1920x1278.jpg)
“Ta realmente un inspiracion pa mira e nivel di consciencia y interaccion cu e muchanan a demostra di tin pa e metanan di desaroyo sostenibel,” Minister Wever a comenta.” Minister Wever a enfatisa e importancia di educacion trempan riba e topico di desaroyo sostenibel y pa crea e conscientisacion cerca e hoben di e importancia di esaki.
![](https://24ora.com/wp-content/uploads/2023/11/20231127_GBW_SDG_Kudawecha-018-1920x1278.jpg)
![](https://24ora.com/wp-content/uploads/2023/11/20231127_GBW_SDG_Kudawecha-056-1920x1278.jpg)
![](https://24ora.com/wp-content/uploads/2023/11/20231127_GBW_SDG_Kudawecha-094-1920x1278.jpg)
“Nan ta e lidernan di mañan, y nos mester segura cu nan ta ekipa cu e conocemento, mentalidad y hermentanan necesario pa enfrenta e desafionan ambiental y social cu nos mundo ta enfrentando,” Minister Wever a añadi.
E minister ta gradici e personal, docente- y alumnonan pa nan hospitalidad y pa e intercambio valioso di ideanan. “E afinidad cu e muchanan a demostra ta algo cu nos lo carga cu nos como inspiracion den nos trabounan adelante,” Minister Wever a conclui.