Scol Basico Dornasol a cumpli su di cinco aniversario, cual nan a cumpli dia 4 di september e di cinco biaha cu nan porta ta habri. E aña completo ta significa pa nan un aña di celebracion. E di cinco aña completo cu nan ta celebra existencia dje scol.
Rosy Abreu-Vasco, cabesante di Dornasol, a splica cu esaki ta algo hopi grandi y no solamente pa su persona como su coleganan, e mayor- y alumnonan. Pero tambe esaki ta grandi pa pais Aruba. Kluster 4 school ta e unico den Caribe y na Hulanda ta haya e tipo di scol aki. E ta significa hopi grandi, un scol cu a habri na 2017 cu dos klas, 2 y 3, pero awe 2021 ta conta cu mas. E scol ta conta cu kleuterklas 1, 2 y 3, pero tambe klas di scol basico di un te seis.
Loke ta haci e scol aki unico ta bini door dje extra amor y pasenshi cu e maestronan ta duna e muchanan cu por bay un enseñansa regular. E cabesante a sigui bisa cu den enseñansa regular tin 25 pa 30 mucha den un klas. Pero e muchanan aki tin necesidad y p’esey den Dornasol e gruponan ta chikito.
Na momento un alumno no por of tin cierto condicion manera autismo, ADHD of otro cos, of problema social, emocional, e ora ta pone nan apart. Ta traha cu nan. Segun Abreu-Vasco, e terapia cu ta brinda na Dornasol ta poco mas extenso y e amor cu tin p’esey tin cu bay extra mile cu nan.
Pa cobertura mas amplio, lesa e edicion di TREMPAN mañan.
