Voices for Humanity, e serie semanal cu ta presenta e creadonan heroico di cambio di un variedad di religion, cultura y nacion, cu ta traha pa halsa nan comunidad, a anuncia un episodio nobo cu Carmelita Haynes, cu a estrena dia 26 di april, 2023.
Voices for Humanity ta un serie cu ta tuma luga tur diaranson pa 8:00 pm ET/PT riba Scientology Network.
Den un relato di prensa Scientology.tv, nos a ricibi e grato noticia aki. Segun e comunicado nos tin di mira mas leu cu e awanan blauw briyante di Aruba y su santo blanco, mira tras di e paraiso y nos ta haya un nacion cu problema. E aumento vertiginoso di trafico ilegal di droga, abuso a causa famia kibra, gang criminal y asesinato. Carmelita Haynes, ex-parlamentario di Aruba, ta lidera un movemento pa restaura e balornan moral y hiba e felicidad berdadero p’e isla.
KEN TA CARMELITA HAYNES
Naci na Aruba como e di shete yiu di un famia di 15 ruman, Carmelita Haynes a asumi e responsabilidad pa cuida di su rumannan chikito tempo cu e mes tabata un mucha. Durante su crecemento, su mayornan a inculca e importancia di educacion. El a gradua como un docente y a asumi su posicion dilanti klas. Sinembargo e kier a influencia mas su conciudadanonan y a pasa di juffrouw di scol pa un parlamentario.
Alarma p’e violencia y e deterioro di moral provoca pa droga ilegal, Carmelita a haya e solucion den e buki The Way to Happiness. Impulsa pa mehora su comunidad, Carmelita a hiba e lesnan di The Way to Happiness pa scol, organisacion local y bario di henter Aruba, loke ta traduci den un caida di delincuencia di caso 50%. Den actualidad, e ta sigui duna les y motivando e ciudadanonan di henter e isla. Carmelita Haynes t’e presidente di e Fundacion Help Our People Excel (H.O.P.Ex.).
SCIENTOLOGY NETWORK
Scientology Network a debuta dia 12 di maart 2018. Desde su lansamento, Scientology Network tabatin un audiencia di mas di 240 pais y teritorio rond mundo den 17 idioma.
Satisfaciendo e curiosidad di hende riba Scientology, e network a hiba e audiencia a traves di seis continente, destacando e bida cotidiano di e scientologists; mustrando e Iglesia como un organisacion global y presentando su programanan di mehoracion social cu a toca bida di miyones di persona rond mundo. E cadena tambe ta mustra documental di cineasta independiente cu ta representa un muestra representativo di cultura y credo, pero cu ta comparti e proposito comun di halsa e comunidadnan.
