Grupo di Oracion di Inmaculada Curason di Maria ta recorda tur deboto y fiel di Mama Maria cu diaranson 13 di juli 2022 ta reuni pa 6’or di atardi na e monumento di Inmaculada Curason di Maria na Santa Cruz.
Ta invita tur hende pa bin resa Santo Rosario di tur luna. Diaranson ta resa Misterio Glorioso. Ta resa y canta na honor di Inmaculada Curason di Mama Maria y despues tin misa pa 7’or pa cera e dia di Señor.
Loke cu Maria a bisa e tres muchanan na Fatima dia 13 di Juli 1917: ‘Ofrece boso mes y resa hopi bes, principalmente ora cu bo ta haci un sacrificio chikito. Mi bon Hesus, mi ta haci esaki pa amor pa Bo, pa conversion di pober pecadornan y pa reparacion di ofensanan, cometi na Curason Inmaculado di Maria asina tanto bes’.
