Diasabra awo, dia prome di april 2023, lo bay tin un Santa Eucaristia na Kapel di Alto Vista y na Blue Army (Cas Curason di Maria) na San Nicolas.
e lo cuminsa pa 7:00 am. Prome lo resa Santo Rosario pa 6:15am “Misterio Gososo”, despues di resa Salve Regina.
Ta invita tur fiel pa asisti diasabra mainta prome di april 2023 pa un Santo Sacrificio di Misa. Mama Maria a bisa n’e tres wardadonan pa resa e Santo Rosario tur dia. Papa Francisco ta haci un suplica pa resa e Santo Rosario.
Rusia ta sigui cu guera y ta comete acto di criminalidad contra e muchanan inocente. Ta kita e muchanan for di nan mayornan, ta contra ley di humanidad. Aki na Aruba nos tin tur libertad, no ta tur parti di mundo tin libertad di expresion. Gradici Dios pa esunnan cu ta haci nan esfuerso pa presenta nos isla den wega di deporte y tambe esunnan cu ta guia nan.
Cu Dios bendiciona nos hobennan. E mayornan tin e obligacion pa lanta nan yiunan den un hogar di comprension, amor y respet. Laga nos resa p’e necesidad di Iglesia Universal, pa Papa Francisco, Obispo Luis Secco, tur sacerdote, Diacono y laico.
Pa nos Gobernantenan y tur cu ta carga responsabilidad pa nos pais Aruba. Oracion pa nos enfermonan den hospital y esnan cu ta sufri di malesanan incurabel, pero pa Papa Dios tur sanacion ta posibel.
