E especie cu ta wordo enfoca riba dje ta abeha. Bo tabata sa con importante un abeha ta? Bo tabata sa cu abeha por polonisa mayoria flor?
Awendia nos Departamento di Agricultura, Cria y Pesca Santa Rosa pa algun aña caba a stop completamente cu uzo di pesticidanan kimico cu ta dañino pa nos medio ambiente y mas ainda pa nos abehanan. Nos ta conseha nos agricultornan pa haci uzo di otro tipo di pesticida mas biologico y/of natural posibel. Esaki ta pa cuida nos abehanan mas tanto posibel
Loke bo mester sa di abeha y con pa yuda proteha nan
Abeha ta un especie hopi extraordinario cu ta existi den tur tipo di clima mundialmente. For di mondi grandi te cu e desiertonan di Africa incuyendo circulo Polar Artico. E diferente abeha y nan habitad ta diferencia di luganan manera na Merca cu nan ta biba bou tera, buraconan y den mata.
Durante gran parti di e ultimo dies aña tras di lomba Apicultornan di Merca y Europa ta reporta perdida anualmente di ciclo di abeha di mas 30% substancialmente mas di loke ta wordo considera normal of sostenibel. Hecho ta un di cada cuater abeha salvahe na Merca ta den riesgo di extencion.
E poblacionnan mundial di Abeha ta den extincion. Incuyendo e abehanan di honing y abehanan salvahe nativo. Ehempel ta e abehanan tipo geel ta mas abundante den parti noord di Wisconsin den mas of menos den decada di 1990 y den transcuro di dies aña cu un representacion di menos di 1% di e populacion di abehanan di Estado. Den estado di Oregon e abehanan di ‘Franklin’ probablemente e extingui durante e mesun periodo.
Ciclo di Abeha y caracteristica
Abehanan ta biba hunto den cas. Den un cas por tin mas of menos 50.000 pa 60.000 Abeha. Den e cas tin e abeha muhe (abeha trahado) abeha homber y un abeha reina. E reina su curpa ta mas largo. E tin un pui pa defende su mes. E reina su pui ta mas largo cu e abeha muher y e no ta stret. E ta uza su pui solamente contra otro reina. E reina ta e abeha cu ta pone webo y e por biba te cu 7 aña. E reina por pone 1000 pa 3000 webo pa dia. Ningun reina ta permiti pa un otro reina ta den nan cas. Dado caso cu esey mester tuma luga, nan lo bringa picando otro te cu un muri uzando nan pui. Un otro caracteristica di abeha ta cu si tin mas cu un reina ta bay nace, esun cu nace prome lo pica tur e otronan mata prome cu nan nace.
E abeha muher ta esun di un tamaño mas chikito. E cas mester di hopi trahado y nan ta haci e trabou di tanto paden y pafo di e cas. Nan trabou ta cuminsa for di ora nan nace. Nan ta biba mas of menos 5 pa 6 siman. E abeha muhe tin su patanan patras cu cabey. Den esaki e ta warda e puiro di e flornan cu e bishita. E abeha muhe tambe tin su pui pa defende su mes, pero si e uza esaki ta nifica su morto.
Trabounan di e abeha muher
Cuminsando for di dia 1 pa 3: e ta haci limpi, e ta kibra y come e tapa di wax pa e sali.
Den 4 pa 12 dia: E abehanan cu ta bay nace, e ta crianan cu honing y puiro for di e flornan. E reinanan ta haya cuminda special cu ta e ‘Royal Jelly’.
Di 13 pa 17 dia: E ta cuminsa traha e wax. Di 18-21 dia: E ta cuida e cas y e ta percura pa ningun enemigo drenta (otro insecto). Di 22 dia y te ora cu e muri e ta busca e nectar pa traha honing y puiro di e flornan pa nan come. E nectar e ta want’e den su stoma y e puiro di flor na su patanan
Abeha Homber
E abeha homber no ta traha asina hopi mescos cu e abeha muhe. E no tin un trabou y ta biba mas of menos 5 pa 6 siman. E ta wordo cria cu cuminda for di e abeha muhe te dia cu e brui cu e abeha reina. Na momento cu e caba di brui cu e reina e ta wordo cori for di cas y e lo muri di hamber.
Pakico nos mester proteha nos Abehanan
Tur mata mester di abeha pa polonisa cu ta haci abehanan ta e polinisadonan indispensabel di mayoria di eco-sistema. Tin mas cu 369.000 especie di mata y flor. E 90% di nan ta depende di polonisacion di insecto. Un abeha riba su mes por bishita di 50-1000 flor den un trayectoria di biahe. Si un abeha realisa dies biahe pa dia di un colonia di 25.000 abeha e por polonisa 250 miyon flor den un dia.
Abehanan ta un tipo di especie hopi clave cu otro tipo di e especienan cu ta depende di e abeha pa nan por sobrevivi. Hopi especie di animal ta depende di e abeha pa nan supervivencia debi cu nan fuente di alimento incuyendo nuts, diferente fruta y simia ta depende di polonisacion di insecto. Polonisacion no solamente ta haci alimentonan disponibel pa otro organismo, pero tambe ta permiti crecemento floral cu ta crea habitad pa animal y otro insectonan.
Awor bo ta mas conciente di con importante un abeha ta. Ban cuida nan y percura pa nos no uza pesticidanan kimico pa caba cu otro tipo di insecto cu kisas ta causa problema na bo cas of cunuco. Pero tambe lo bo caba cu e abehanan cu ta hopi esencial pa loke ta polonisacion di flornan.
