Recientemente Kiwanis Club of Aruba ta tene un Divisional Council Meeting, cu ta un reunion di Kiwanis Club division 26, manera p.e. Corsou, Bonaire, Surinam y Trinidad & Tobago.
Diadomingo reunion di division 26 a yega su final. Door di Covid-19 varios t’e clubnan cu no por a biaha pa Aruba, pa cual a dicidi di tuma toch un dia pa haci un algo cu e clubnan cu ta na Aruba, Patrick Melchiors, Lt Governor di division 26, a splica. Gobernador di Easter Canada & Caribbean district, dr. Delores Lewis di Kiwanis Club of Barbados tambe tabata na Aruba. Pa es motibo aki tambe tabata kier a dun’e toch un programa amplio durante di su bishita.
District Governor pa Eastern Canada & Caribbean
Como governor, Dr. Lewis ta bishita, un biaha pa aña e diferente divisionnan den e districtonan. Tin un total di 26 districto, den cual Aruba tambe ta resorta.
Tabata un bishita hopi druk, el a siña conoce asina hopi hende amabel yen di cordialidad, pa cual e no tin duda den e motibonan pa cual Aruba ta e capital turistico di mundo, dr. Dolores Lewis a bisa.
El a manda un mensahe pa tur e miembronan di Kiwanis Club districto 26, unda cu su persona tabata asina inspira pa tur loke su miembronan a haci e aña aki. nan tabata tin un aña cu hopi reto, pero e miembronan di Kiwanis tabata resiliente y a pesar di e retonan di pandemia, nan a haci hopi pa e muchanan den e districto, pa a haci bida di e muchanan contento.
Por ultimo, dr. Lewis a bisa cu e ta sumamente orguyoso di Kiwanis Club Aruba, pa tur nan logronan, a pesar di tur contratempo cu pandemia a trece cu ne.
