Diasabra atardi alrededor di 6:30 pm a pidi presencia di polis cu urgencia den e compleho di e casnan social na Bushiri. Aki ta caminda c’un tipo a saca arma y menasa cu esun cu faya, e ta los tiro.
A duna descripcion di ken e homber aki ta, pa cual a inicia un buskeda formal den e area. Parce e ta un conocido di polis. A ricibi basta informacion pa djey conclui cu e ta frecuenta den e area di Madiki 21. Berdad na yegada di polis a bin topa cu e homber. Cu demas unidad di polis y refuerso, a bay over mesora n’e proceso di detencion.
Den un transporte policial a bay cu ne direccion di warda di polis caminda un subfiscal lo atende cu su detencion. Pa awo, recherche lo sigui cu e proceso di interogacion. Pa e proximo dianan e no lo drumi na cas sino riba beton den warda di polis.
