S.V. La Fama a tene nan actividad riba Dia di Rey. Segun Giovanna Croes, kende ta forma parti di directiva di S.V. La Fama y actual lider di Liga U-9, e actividad a bay hopi bon y e enfoke tabata un recaudacion di fondo p’e liganan menor.
El a conta cu a bende snackbox y tambe diferente presentacion, cu mobiele eenheid, wardacosta, K-9. Fuera di esey tabatain un torneo chikito di 3 contra 3 y un panel di shoot. A cera e atardi cu Chaz Dancers, cual a bay hopi leuk. Hopi gusta a gosa y a bay sushi sushi cas. Segun Croes, e meta sigur a cumpli.
DESPUES DI BASTA TEMPO
P’e club no tabata facil. Despues di cinco aña nan a tene un actividad bek. Tabatin hopi trabao pa haci limpiesa, drecha bar y a haci e veld uno apto pa por tin un evento eyriba.
META
Croes a indica cu actualmente tin varios aña cu a cuminsa train bek despues di COVID. En principio no tabata cobra e muchanan nada, asina ta cu e budget tabata un tiki abao. Meta tabata pa crea un presupuesto pa sigui yuda e muchanan.
LO CONTINUA
SV La Fama a caba di cumpli 85 aña di existencia. E meta mes ta pa tin un farmsystem. Ta cuminsa cu e muchanan fo’i chikito di 3, 4 of 5 aña. Esaki ta pa evalua den futbol y p’asina yega te cu division di honor y uzando e mesun muchanan di cas.
