Na Panama Canal tin problema pa loke ta trata container. Pero pa Aruba mes, e container di klapchi ta cuminsa yega desde otro siman. Rubin Ponson, experto den explosivo pa DOW, a splica cu desde comienso e comerciantenan ta haci peticion pa importa e containernan di klapchi. Tur aña ta bin un problema cu sacamento di container. Esaki ta pasa sea na China mes of na momento cu yega Panama Canal. Algun bes tin cu pasa via Jamaica y atrobe ta topa cu cierto reto prome cu esaki yega Aruba.
Hopi bes e ta logra pasa toch. Ponson ta kere cu esaki tin di haber door cu ta trata di explosivo y nan ta purba di laga nan bay mas lihe posibel pa yega nan destinacion. Te awo nan sa cu tin un gran cantidad di container na caminda, pero mester mira si tur ta bay logra yega.
Si algo mester pasa, manera container pega, segun Ponson, ya caba nan ta prepara. El a sigui informa nos, 24ORA y TREMPAN, cu otro siman e prome container ta yega. E siman despues algun container mas ta yegando. E ta kere cu eseynan ta confirma pa bin Aruba. Den caso cu e containernan pega, nan no tin mucho caminda pa mira unda e containernan a pega. Pero esey ta keda na cada importador pa mira con ta logra trece nan container.
Pa mas lesa TREMPAN.COM.
