Durante e evento Pan American Rok Cup cu ta tuma luga na Tocancipa, Colombia, a tuma nota presencia di un ekipo di Corsou. Un ekipo, esta, Fireball Racing Team cu tabata chikito apenas dos aña pasa y cu tempo a crece y awo ta un ekipo internacional cu hasta pilotonan di exterior ta forma parti di team.
Locual a hala atencion ta cu na cabes di e team di coach, ta un Rubiano, un persona no desconoci den e mundo di karting. Ta nada mas y nada menos cu Greogry Tromp, mayoria conoce como “Gordo”. E ta na cabes di e ekipo di Corsou ya pa algun aña caba.
A probecha un entrevista cu Tromp p’asina e conta su experencia pa cu switch di un ekipo di Aruba pa un di Corsou.
Durante e di dos dia den e compentencia, Tromp a conta cu ta mirando riba un tremendo resultado. Tin bon luga den nan categoria y awo ta preparando pa e ultimo dia di compentencia cu lo tuma luga riba diadomingo.
Robert Reujil a conta cu nan a crece y awendia tin como tres pa cuater piloto activo den Rok Cup na Colombia. Durante aña nan ta activo tambe, no solamente pa e Pan American Rok Cup sino tambe henter aña.
Reuijl a conta cu e ta contento cu e trabou cu Rubiano, Gregory Tromp ta haciendo pa su ekipo, FIreball Racing Team International.
