Recientemente, Rotary Club di Aruba a uni nan man den un proyecto “Hands-On” na YMCA Dakota pa embeyece e entrada y haci limpieza di e patio. Di e manera aki, e muchanan cu ta asisti na e centro YMCA aki por goza di un establecimiento mas adecuado.
Na e entrada di e edificio, e boluntarionan di Rotary Club di Aruba a corta e yerba, instala un ground cover y pone gravel. Na e parti di patras, nan a corta e yerba y haci un limpieza completo.
Hunto cu miembronan di Rotary y amigonan di e Club, e trabou a completa den tempo record, y embeyece asina e entrada di YMCA. Cu e proyecto “Hands-On” aki, Rotary Club di Aruba ta cera un otro aña rotario exitoso bou di e liderazgo di Presidente Luis Oduber.
Ademas, Presidente saliente Luis Oduber, hunto cu tur e miembronan di Rotary Club di Aruba, kier gradici e negoshinan, comerciantenan y comunidad en general pa un biaha mas a contribui durante e aña Rotario 2023-2024. Cu e yudansa aki, Rotary Club di Aruba a duna yudansa financiero na varios instancia, permitiendo nan pa yuda esunnan mas vulnerabel den nos comunidad.
Pa mas informacion por contact https://rotaryclubaruba.org
