Diasabra ultimo, 16 di juli 2022, Rotaract Club of Aruba a instala su directiva nobo pa anja 2022-2023. Presidente saliente, Bjorn Vrolijk a habri e anochi gradiciendo e directiva saliente pa un tremendo trabou eherci, recordando un otro aña satisfecho pa Rotaract Club of Aruba repasando tur e proyecto nan cu a destaca y cu a wordo nomina entre miembro nan.
Proyecto di prome kwartaal a sali “Back to School”, di dos kwartaal “Pasa Pret cu Rotract”, di tres kwartaal “Bake Sale” y e ultimo kwartaal “Fellowhip Egg hunt”. Y como proyecto ganador di aña 2021-2022 a keda pa “Pasa Pret cu Rotract”. Y tambe a saca miembro cu a sobresali di cada kwartaal, nomina tambe door di miembro nan a base di votacion. Prome kwartaal Karel Arends, di dos kwartaal Roslaine Everon, di tres y di cuater kwartaal Rebecca Maduro cu porcierto tambe a sali miembro di aña 2022-2023.
E anochi a sigui cu instalacion di e directiva nobo bou di guia di Katinka van der Putten, apunta como e siguiente presidente di Rotaract Club of Aruba pa aña 2022-2023. Katinka ta miembro activo di Rotaract desde 2015 asumiendo diferente rol y ta cla pa eherce e posicion como presidente hunto cu e otro miembro nan di directiva cu ta lo siguiente;
Bjorn Vrolijk: Presidente Saliente
Shawn Lopez: Vice-Presidente y Secretaria
Joeri King: Tesorero
Micheline Jeandor: Director Relacion Publico
Dilynn Pom: Director Desaroyo Professional y di Club
Daneshka Rodriguez: Director Servicio pa Comunidad y Internacional
Presidente Katinka a hiba palabra elaborando riba e tema di Rotary International pa aña aki cual ta “Think Big”. Imagina posibilidad y cambio nan cu por haci impacto positivo mundialmente.
E meta ta pa “Dream Big” hibando nos club riba un nivel mas halto, con nos por sigui yuda nos comunidad lo maximo, con nos por yuda nos miembro nan crece y con nos por concientisa y trece cambio rond mundo. Cu esaki, conhuntamento cu e directiva nobo pa aña 2022-2023, a scoge e tema Unite & Grow pa asina tambe sigui cu e union entre miembronan, especialmente despues di tempo nan dificil cu nos a pasa aden e ultimo 2 aña y pa sigi haci proyecto grandi pa nos comunidad.
Nos kier a gradici Elite Productions, Peanuts, Perfect Team Event Planner, Romar Trading, Cas di Brenchie y tambe e miembronan di Rotract y Rotary pa haci e anochi aki uno special y memorabel.
Comunidad henter por sigi conta cu e sosten di Rotaract Club of Aruba.
Si bo ta entre 18 y 35 anja y kier join nos club, contact nos na:
Email: [email protected]
Facebook: Rotaract Club of Aruba
Instagram: RotaractAruba
