Pa 2021, a formula diferente scenario di kico lo por ta e posibel resultado pa nos turismo compara cu añanan anterior. A formula un scenario conservativo.
CEO di Aruba Tourism Authority (ATA), Ronella Croes, e scenario aki ta yama cautelosamente optimista, cual ta nifica cu ta recupera 60% minimo di e cantidad di bishitante cu a ricibi na 2019.
Durante di un rueda di prensa diamars, e ta sigui splica cu sigur esaki ta hopi faborabel pa Aruba. Es mas, e ta esun mas faborabel cu a formula pa e aña aki.
Cu e resultado di april por mira un tendencia fuerte pa loke ta trata recuperacion di nos turismo. Cu analisisnan haci, incluyendo capacidad di asiento aereo, grado di ocupacion riba vuelo, feedback di diferente socio, por bisa tambe cu luna di mei y juni lo sigui ta lunanan relativamente fuerte pa nos turismo.
A pesar cu tin un cautela, pasobra hopi cos por cambia, por bisa tambe di biaha awor aki cu ta hopi realistico cu lo por ta drentando tambe den e scenario optimista pa aña aki, compara cu 2019, cual ta e ultimo aña normal di nos turismo.
Pa mas detaye lesa matutino TREMPAN.
