Diamars durante un conferencia di prensa, Minister di Husticia, Rocco Tjon a indica cu e recorte di 12.6% riba salario di e agente policial no mester stroba e polis di haci su trabou. Pero cu trabou di polis tin cu hacie cu amor.
Esaki ta un ponencia cu sigur a cay den mal tera cerca Sindicato di Polis Aruba (SPA). Lider di SPA, Rodney Solognier a bisa cu e polis ta traha cu hopi amor y pasion. No ta tur hende por haci nan trabou. Pero nan tambe mester di nan placa mescos cu tur hende. Ora cu nan yega un establecimento, nan no ta haya descuento pasobra cu nan a haya un yamada pa eherce e trabou aki of cu nan ta hacie cu amor.
Sigur e comentario aki a cay den masha mal tera cerca e miembronan di sindicato SPA. Minister no a compronde mucho bon kico ta e problemanan cu tin actualmente.
Pa un relato mas amplio, abona riba bo corant digital TREMPAN.
