Diamars algo pasa di 10:20 am den “Caya Frere Tarcicius” cerca di e Misa “Maranatha”, ciudadanonan ta bati alarma pa un caso di maltrato.
Eybou por a constata cu ta trata di un mucha homber basta conoci den e bario di Madiki Kavel conoci bou di e nomber “Juan David” lo a agredi e adicto ambulante basta conoci na Aruba esta “Robby”. Segun e victima ta bisa, e homber a dal’e cu un boter na su cara na banda unda el a keda basta herida.
Polis a yega na e sitio pa asina tuma datos di e sucedido. Ambulance a yega na e sitio pa duna Roby asistencia medico avansa.