Tabata alrededor di 2:00 am ora cu a sosode un caso di robo na Shiribana. Aki ta caminda cu un homber a bay dal un paranda cu algun persona cu supuestamente ta su amiga y amigo. Ora a termina cu d trip, a baha nan bek den e area di Shiribana 9, cerca di Subway. Den e area ey ta frecuenta varios adicto ambulante.
Cu consecuencia, ora a baha nan bek, nan a saca cuchiu riba dje, bah’e foi’i su propio auto y bay cu e vehiculo. El a yama polis mesora y bati alarma p’e caso aki. Na yegada di polis a constata cu e homber tabata medio burachi. A tuma tur informacion necesario y a cuminsa cu un buskeda den e area pero sin resultado. Su auto ta marca Hyundai modelo Getz color berde.
