Representante di e compania Roberti Ventures di Merca ta na Den Haag pa asina duna un presentacion, ya cu nan tin plan, fondo y idea pa inverti den e islanan di Aruba, Corsou y Boneiro. Durante e congreso di InterExpo nan a informa riba kico nan ta haci den arkitectura y diseño.
Daniel Bracho, presidente di Roberti Ventures, a splica cu pa nan tabata importante presenta na Den Haag pa asina demostra y duna un bos di Caribe, di e hende, e hobennan di Aruba, Corsou y Boneiro. Ta haci esey pa demostra kico e hendenan Aruba, Corsou y Boneiro kier.
Roberti Ventures ta haciendo desaroyo di real estate den hotel, residencia pa por construi cos cu ta pertenece na Aruba, Corsou y Boneiro. Tur esaki al estilo y entidad di e islanan menciona. Ta sumamente importante pa demostra no solamente loke nan por haci na nivel di desaroyo di real estate, resort, cu diseño, arkitectura, etc., pero pa por demostra kico e hendenan di Caribe kier, kico mas nan kier mira.
Nan ta orguyoso di nan arkitectura, cultura, nan identidad, esta esunnan di Corsou, Aruba y Boneiro. Nan kier mira mas di esey. E ta kere cu uno no por desaroya nada, pero mas bien mester desaroya cos, construi. Roberti Ventures ta bay haci esey di un manera cu ta involucra e comunidad, involucra e identidad di e islanan y compronde e poblacion unda ta construi e tipo di cos asina.
Awo nan ta enfoca riba real estate di e desaroyo residencial. Segun Bracho, esaki sea ta cas residencial, riba tereno, tipo di situacion country club. Tambe como nan ta grupo di arkitectura y diseño, nan tin e servicio di diseña pa proyecto aparte di loke nan ta construi pa e hotelnan, residencia, loke sea, como cu nan ta un compania di arkitectura. Den e mundo di real estate nan ta haci hopi cos, el a enfatisa. Nan a papia cu hopi inversionista, specialmente di Merca, pero nan netwerk tin conexion hopi parti di mundo cu ta interesa.
Roberti Ventures a papia cu e inversionistanan aki riba e potencial financiero cu e islanan aki tin, e inversionistanan a gusta. Tambe a bay riba e impacto social cu nan kier construi cos bunita, cos bon y duradero. Esey ta algo cu ta interesa e inversionistanan mas.
Pa mas lesa TREMPAN.COM.
