E club di futbol River Plate F.C. tin un uniform nobo p’e muchanan. E miembronan a bini hunto p’asina batisa esaki. Cu e uniform aki nan ta cla p’e siguiente weganan.
Johnson Warner, coach principal U20, a gradici tur cu a traha duro p’e uniform di e muchanan. Di basta tempo e muchanan merece uniform, di cual cu maximo esfuerso di e lidernan a logra haya un sponsor y por a batisa e uniform. E uniform nobo ta pa e muchanan di U5 te cu U20.
![](https://24ora.com/wp-content/uploads/2024/06/IMG_9760-1920x1280.jpg)
Despues di hopi tempo nan a haya uniform nobo, segun Warner. Dos aña pasa nan a batisa uniform. Te ainda e hungadonan ta hunga cu e mesun uniform aki. Despues di dos pa tres wega e uniformnan no ta bon mas y e aña aki a bolbe hunga cu nan. Awo nan a haya set di uniform nobo cu nan lo estrena despues di e di dos wega.
River Plate ta consisti di riba 100 hungado. Tambe nan a gana hopi trofeo. Warner a conta di no ta cu e club desde inicio. E coach a expresa di loke e ta spera di e muchanan na momento cu nan subi veld ta respet. Warner ta haya cu e muchanan mester tin respet pa colega, respet pa coach, respet pa tur hende. Loke e ta siña e muchanan cu futbol ta dushi, pero ora di sali fo’i e murayanan, hende mester respeta. Pa hende respeta nan mester mustra esey, hasta den bida respet ta importante.
![](https://24ora.com/wp-content/uploads/2024/06/IMG_9757-1920x1280.jpg)
![](https://24ora.com/wp-content/uploads/2024/06/IMG_9758-1920x1280.jpg)
![](https://24ora.com/wp-content/uploads/2024/06/IMG_9759-1920x1280.jpg)
![](https://24ora.com/wp-content/uploads/2024/06/IMG_9760-1920x1280.jpg)
Pa loke ta e campeonato, el a indica cu nan ta den e ultimo fase. Nan falta dos wega den e campeonato di play-off y nan ta bay pa gana e dosnan ey. Y despues tin un wega mas pa hunga t’esun di final. E ta sinti cu nan ta bay gana e weganan pa bira campeon.