Ricardo Croes, kende lo forma parti di Parlamento di Aruba representando RED, a hiba palabra durante e conferencia di prensa na APA, a expresa cu a keda cla. Aruba tin su Gobierno y ta cos di celebra.
Mañan anochi, for di 7'or pa 9'or, pueblo di Aruba en general ta keda cordialmente invita pa sintonisa e diferente medionan di comunicacion of tambe bin den persona pa festeha riba Plaza Betico Croes. El a sigui splica cu a pasa casi cinco siman. Cinco siman di sinta hunto, bati cabes hunto, dialoga, bay bin. E no tabata asina facil manera tur hende ta desea di pensa. Pero e tabata fructifero. Partido RED ta masha contento cu e ministerio cu nan a haya como encargo y ta priminti di haci un trabao cabal
di e ministerio aki. Croes ta duda seriamente cu su coleganan di coalicion tin otro intencion. E intencionnan di RED ta pa mustra pais Aruba cu nan por traha den coalicion, nan ta traha den coalicion, nan ta bay ta un exito den coalicion. Prome minister a splica claramente e motibo cu a bay pa ocho minister y no ta MEP so a core un campaña di 7 minister. POR tambe a core un campaña di 7 minister y RED tambe. Ideal lo tabata cu por a topa otro berdad den e 7 ministerionan aki. Pueblo a dicidi pa duna pais Aruba Gobierno di coalicion di 3 partido. Y esaki a pone cu pa por a topa otro pa tur hende, tur partido a sinti nan honra cu nan asientonan y e reparticion, el a haci'e practicamente posibel pa tin un Gobierno di 8 minister.
A debati riba esaki, kibra cabes un poco riba esaki, pasobra tur tres partido
toch tabata tin un tiki e issue cu a campaña cu 7 y awor aki a hala for di dje. Pero nan ta hendenan realistico y responsabel y sa cu ta imposibel pa haci'e cu 7 minister. Despues di tanto negociacion a settle down cu 8 ministerio, cual ta adecuado pa e Gobierno aki y e reparticion di e ministerionan den e forma cu prome minister a trece padilanti, ta e forma adecuado tambe pa e Gobiernacion cu ta bay tuma luga, di 2017 pa 2021. Ricardo Croes a finalisa door di felicita y gradici prome minister pa e input y tambe e team negociador di partido MEP. Tambe a felicita y gradici Otmar Oduber cu su team negociador di POR. Tambe a gradici tur sostenedor. Di parti di RED ta gradici sr. dr. Rudy Lampe, sr. Robby Croes, kende
ta e dos personanan cu a encarga cu e negociacionnan y tambe Ricardo Croes kende a participa. Na tur e sostenedornan di partido RED, directiva di e partido, a gradici nan pa e confiansa den Croes y tambe dene partido y tambe un danki di parti di e partido, na tanto MEP y POR buta den nan y nan tambe a buta e confiansa, pa cual awe tur tres a sinta hunto.
Un trabao duro ta warda nan tur, segun Ricardo Croes. Na pais Aruba en general, el a duna un pabien. Locual cu por mira awe, ta e escogencia di e pueblo, su decision, su confiansa den nan y nan ta uno. Nan ta pueblo, nan ta Aruba, Ricardo Croes a termina bisando.
