Nacional Hubenil a organisa un torneo di futbol yama Nacional Invitational cu diferente ekipo di Aruba y tambe un di Corsou cu a tuma luga entre diabierna y diadomingo tra’i lomba. Tabatin varios wega fuerte cu a tuma luga na Stadion Frans Figaroa na Noord. Mary-anne Croes di e organisacion a comparti informacion.
“Esaki ta prome biaha cu nos ta hacie. Aworaki ta bay sinta den directiva pa wak kico por drecha y con ta bay sigui. E idea ta pa sigui cu e torneo anualmente invitando mas ekipo cu bista riba ekiponan internacional tambe.”
Un di e obhetivonan ta bay eyfo y busca experiencia cu por aporta den e desaroyo di e muchanan. Organisadonan ta gradici tur club cu a participa, e sosten grandi di tur fanatico, e ekipo di Corsou cu a bin cu nada menos cu 65 hungado ganando tres categoria. Den total e torneo a conta cu riba 300 mucha activo sanamente.
Diadomingo atardi tabatin e siguiente final:
Categoria U5 Centro Juve a gana Britannia 4-2
Categoria U7 Centro Juve a gana Nacional 3-2
Categoria U9 Britannia a gana Centro Juve 3-1
Categoria U11 La Fama a gana RCA 2-1
Categoria U13 RCA a gana Nacional 7-4
