Den e periodo di 25 October te/cu 22 november a tuma luga nos torneo mix Classic/Rapid/Blitz entre e cuater miho hungadonan di Aruba. A selecta e cuater miho hungadonan a base di e resultado final di nos Campeonato Nacional di 2023.
E cuater hungadonan aki ta Henry knepa, Juan E Nisbet, Mario Jansen y Octavio Croes
Den e formato clasico Henry Knepa a termina na prome lugar cu 2 gana y 1 tabla.
Segundo luga a bay pa Mario Jansen cu 2 gana y 1 perdi.
![](https://24ora.com/wp-content/uploads/2023/12/Ganadornan-Mix-Classic-Rapid-Blitz-y-Side-Tournament-1080x1440.jpg)
Den e formato Rapid, Henry Knepa a termina invicto (3 gana for di 3 partido), Mario Jansen segundo luga cu 2 gana y 1 perdi.
Den e formato Blitz, Octavio Croes a termina na prome luga cu 2 gana y 1 tabla, segundo luga a bay pa Henry Knepa cu 2 gana y 1 perdi.
Ganado di e torneo mix aki ta e hungado cu a score mas den e 3 formatonan aki acumula.
![](https://24ora.com/wp-content/uploads/2023/12/Promer-Lugar-Mix-Classic-Rapid-Blitz-1080x1440.jpg)
![](https://24ora.com/wp-content/uploads/2023/12/Promer-lugar-Side-Tournament-1080x1440.jpg)
![](https://24ora.com/wp-content/uploads/2023/12/Segundo-Lugar-Mix-Classic-Rapid-Blitz-1080x1440.jpg)
![](https://24ora.com/wp-content/uploads/2023/12/Segundo-Lugar-Sid-Tournament-1080x1440.jpg)
Prome luga a bay e ora pa Henry Knepa cu 15 punto, segundo luga pa Mario Jansen cu 11 punto.
Octavio a score 8 punto y Juan Nisbet 2 punto.
Paralel na e torneo aki, a tuma luga un torneo entre e otro hungadonan cu no a participa den e torneo mix aki.
E aña aki, tawata solamente 4 hungado cu participa den e side-tournament aki.
Na prome luga a termina Hector Winterdal invicto (no a perde ni tabla ningun wega). Segundo luga a bay pa Rolin Croes (1 gana, 1 perdi y 1 tabla).
E torneonan aki a wordo patrocina door SSA y Lotto pa Deporte.