Masters of the Craft di Marriott International, un competencia culinario y di bebida renombra, a regresa cu talento impresionante for di tur e hotelnan den portafolio di Marriott Bonvoy. E competencia a wordo diseña pa tanto creatividad y innovacion, poniendo enfasis riba chefnan y bartendernan exepcional den e mundo di cuminda y bebida den cada un di e compania nan di Marriott.
E competencia ta basa pa crea un plato of bebida den un temporada cortico cu ingredientenan cu por a kies for di un panel como tambe un ingrediente misterioso tanto como e technica, sabor y creactividad tawata punto nan importante pa e huradonan.
E competencia aki no solamente ta demostra e talento den nos hotelnan y restaurantnan, pero tambe ta inspira e generacion jong den e mundo culinario y bebida pa por crece den nan carera profesional.
E competencia di “Masters of the Craft” sigur ta trese talentonan exepcional na Renaissance Wind Creek Aruba Resort den ambos categoria di culinario como tambe den bartender asina Christophe Tans, Director di Beverage & Food a splica.
E huradonan incluyendo, Heidi Michiels di L’ Avenue, Andres Davila complex Executive Chef na Aruba Marriott y Mitchell Pereira, Executive Chef & propietario di La Mer Restaurant a keda asombra pa e resultadonan di caliber halto di cada un participante.
Ganado di categoria culinario a keda den persona di Faustin Penia. Cu 4 aña di experiencia incluyendo 2 anja na Wind Creek Aruba, Faustin a sa di demostra su talento y creatividad den un record di tempo creando un impacto positivo den su presentacion.
Ganador di e categoria di pasteleria tawata Kenrick Dirksz. Cu su 7 aña di experiencia den e mundo di pasteleria, Kenrick a demostra su tecnica y a sobresali den a competencia di pasteleria cu su creacion di un cheesecake di sorsaca cual tawata e ingrediente di sorpresa pa e categoria aki.
Ganador di categoria di bebida a keda den persona di Merly Cardenas. Cu 4 aña di experiencia como un bartender y apenas 1 aña como head bartender na BLUE Bar, Merly a captiva e juradonan cu su bebida refrescante cu dragon fruit como e ingrediente di sorpresa. Merly ta disfruta di su trabou y ta un bon ehempel di Wind Creek su balornan di ta “e miho” y pasa ratonan ameno cu su guestnan na pia di su trabou.
E competencia a sigui reglanan stricto pa ambos categoria di bebida y culinario por a admira talento, pasion, creatividad y innovacion den cada presentacion di cada participante. Pabien na tur participante y ganadonan!
