Rik van der Vaart, presidente di Stichting Aruba Regatta, a comparti detaye riba e di 14 Regatta Internacional di Aruba, cu tabata un exito rotundo. Riba e pro e dia di competencia, cu a tuma luga ri9ba diasabra, a conclui cu satisfaccion, cu e participacion di mas di 85 competidor, incluyendo e interesadonan pa competi cu nan boto miniatura.
E evento aki no solamente a atrae participante local, sino tambe bishitante internacional destacando e asistencia di entre otro coach y competidor di Corsou, kendenan ta colabora anualmente cu e organisacion, garantisando e bon desaroyo di e actividadnan.
Meta principal di e Regatta ta promove naturalesa, deporte y respet, cu un enfoke special riba hubentud. Van der Vaart a destaca e crecemento di e evento y e atraccion di e participantenan internacional, subrayando e participacion di un hoben Mericano, loke ta refleha e importancia di e evento aki den e ambito deportivo internacional.
Organisa un competencia di e magnigut aki ta rekeri perseverancia y sosten constante di e patricinadornan y e boluntarionan, elemento fundamental p’e exito di e evento. E colaboracion cu SIWA (scol di velismo) ta permiti e hobennan siña maneha e botonan di bela brindando e oportunidad di mustra nan habilidad den e Regatta.
Finalmente Van der Vaart a expresa su gratitud n’e patrocinadornan, e boluntarionan y e participantenan, sperando continua cu e exito y e diversion riba lama den e futuro edicionnan di Regatta.
