Diabierna tabata tin un reunion den e Rijksminister Raad (RMR), unda cu a trata e peticion di CAft pa duna Aruba un aanwijzing, algo cu ta riba mesa pa algun luna caba.
Na final di dia, un biaha mas Aruba a haya un otro oportunidad y mas tempo pa por cumpli cu tur e recomendacionnan haci door di CAft. Raymond Kamperveen, di e fraccion di RAIZ den parlamento, a bisa cu Aruba mester keda positivo despues cu el a manece cu e noticia di cu no tin aanwijzing pa Aruba. Cu Aruba tin un situacion financiero dificil, esey ta berdad. Pero esaki no ta un situacion di awor, pero ta un situacion cu tin mas di binti aña caba asina, caminda cu Aruba ta hay’e den situacion dificil riba tereno financiero.
Mas aleu, Kamperveen a bisa cu toch mester wak di un manera positivo cu CAft t’ey, ya cu nan ta duna conseho. Tabata e mesun CAft cu a a pidi aanwijzing, pero RMR a bisa cu no mester door cu Aruba toch ta cumpliendo cu cierto cosnan.
Si Aruba tin algun cos cu mester drecha, pero esey ta parti di goberna. Pa Kamperveen, ta hopi importante loke a sali for di e reunion di CAft, cual ta e comunicacion. Mester bin un miho comunicacion entre gobierno di Aruba y CAft, pa yega mas lihe na e informacion concreto
