Recientemente durante un reunion publico den parlamento, parlamentario Raymond Kamperveen a entrega dos mocion relaciona cu adulto mayor.
Den e prome mocion Parlamentario Kamperveen ta boga pa Adultonan Mayor cu ta ricibi un of dos pensioen na unda e entrada no ta surpasa Afl.30.000 pa aña, cu ta e “belasting vrije bedrag” pa nan wordo saca di e sistema di impuesto pa asina nan no tin cu sigui yena un formulario di “aangifte inkomstenbelasting” tur aña.
E di dos mocion ta urgi gobierno pa sondea e posibilidad pa duna nos pensionadonan riba e edad di 80 aña un despensacion di mester paga impuesto di entrada, pa asina duna un alivio financiero na un grupo chikito di adulto mayor.
Loading…
Reload document
Open in new tab 
Parlamentario Raymond Kamperveen desde cu a drenta den parlamento ta buscando diferente manera pa mehora e calidad di bida di nos adultonan mayor y tambe ta sigui ofrece solucionnan practico pa haci nan bida mas facil.
Loading…
