Na inicio di tratamento di caso Apollo, cu ta relaciona cu asesinato di Poentje Castro, a para e tratamento un rato. Despues cu famia di Castro a entrega un demanda pa compensacion, hues a informa cu e no a ricibi e relato di psikiatra.
E relato aki ta necesario pa mira si ta apto pa persigui y eventualmene castiga Anderson Rasmijn. Esaki pasobra e tabatin basta tempo bou tratamento pa retonan di salud mental. Abogado mr. Vito Carlo a insisti pa no trata e caso sin rapport. Hues a yama e psikiatra na telefon y a pidie presenta den corte awe mainta ainda. A base di esey a pospone e tratamento pa un ora y mey.
