Rey Willem-Alexander y Prinses Amalia a tene un bishita na Compleho Deportivo Frans Figaroa. Aki nan a mira demostracion di futbol di
algun club di Noord. Randolf Lacle, presidente di Arubaanse Voetbalbond, a splica cu e preparacion a bay bon. Algun luna pasa nan a informa Arubaanse Voetbalbond (AVB) cu kisas e famia real lo haci un bishita na e academia di AVB. A splica nan kico tur ta haci na e academia.
AVB a haya bishita di un delegacion caba di cual a splica riba kico tur ta haciendo eynan. Tur e informacionnan ricibi, e delegacion a
hiba pa un otro comision. Despues a informa directiva di e federacion cu e academia lo ta parti dje bishita real, unda cu Rey Willem-Alexander y Prinses Amalia lo ta presente pa mira un sesion di training.
E presidente di federacion a sigui informa cu siman pasa nan a tene ensayo y tur cos a cana bon, no tabatin problema. A invita e muchanan
dje clubnan di bario di Noord, cu tabata Bubali, United, Nacional, entre otro, pa asina di cerca nan por a mira Rey Willem-Alexander y
Prinses Amalia. Na yegada di e rey y prinses, nan tabata contento di mira cantidad di mucha tanto para pafo como riba veld.
