Criminalidad ta keda un preocupacion pa autoridadnan na Aruba.
Recientemente Altocomisario, drs. Ramon Arnhem, tabata cerca nos coleganand en Enfoke, unda cu el a repasa e cifranan di criminalidad riba nos isla. Pa Arnhem, e tin dos prioridad: Siguridad di su coleganan y siguridad di su pueblo.
Altocomisario a indica cu e bon noticia ta cu criminalidad na Aruba ta den regresion, segun e cifranan.
Pero e tabata kier a para keto un rato riba e echo cu criminalidad, bou di e hobennan si ta alarmante. Mas y mas tin hoben ta bay scol cu arma y e edad cada biaha tambe ta bira mas jong. Sigur un punto di preocupacion den Cuerpo Policial.
Sigur, un polis no tin e facil: Den su trabou, un agente mester bisti e pechi di polis, e pechi di pastoor, trahado social y asina por sigui menciona.
Sinembargo, den mayoria di e casonan aki, Cuerpo Policial ta traha di manera preventivo. No ta descarta cu hopi di e hobennan aki ta bin di un hogar, kisas kibra of mama y tata ta traha, cual ta haci cu no tin mucho tempo pa dedica na e yiunan.
Peer pressure tambe ta un hunga un rol grandi cerca un hoben, cu ta haci cu e ta cay den mal caminda.
Drs. Ramon Arnhem a indica di ta traha den bon cooperacion cu e diferente stakeholdernan, pa asina entre tur, yuda combati criminalidad riba nos isla.
Pa mas lesa TREMPAN.