Desde ciere di e refineria Aruba su economia ta draai unico y exclusivamente riba turismo, a construi mas hotel.
Pa basta tempo a papia cu lo mester diversifica nos economia y no keda confia riba un solo pilar economico. Pero esaki nunca a resulta ya cu den e ultimo añanan, a duna permiso pa construccion di mas y mas hotel. Minister Geoffrey Wever, di e cartera di Economia, a cuminsa na bisa, cu ora cu nan a drenta den Gobierno, nan a haya proyectonan cla y aproba caba. Esaki ta haci cu Gobierno ta hay’e obliga di cumpli cu nan, pa evita di paga daño y perhuicio.
Si tabata tin e minimo oportunidad di a cancela esaki y si ta awo e peticion a drenta pa duna permiso pa traha mas hotel, sigur como minister e lo no a duna permiso pa traha mas hotel. Pero e ta un decision cu nan a hay’e confronta cu ne. Tur hende sa cu e situacion financiero di nos pais no ta laga espacio pa por paga un demanda di daño y perhuicio pa no a cumpli cu e contratonan ya existente.
