Durante un reunion publico den Parlamento, caminda a trata e Proyecto di Ley di Contabilidad pa loke ta trata e ‘schenking’ na Qcredits door di Gobierno di Aruba.
Esaki tabata parti di un asistencia na un fundacion, pa yuda e companianan chikito, cu a cay den dificultad, no solamente awor, den loke ta recovery loans. Pero tambe na 2022, e companianan cu a haya nan den preta, den incertidumbre, pa sigui existi, drs. Misha Raymond, parlamentario pa fraccion di RAIZ, a cuminsa na bisa.
Raymond a indica cu tabata tin hopi politikeria den sala, algo cu nan no a spera. Ta trata di un decision di Gobierno cu a informa Parlamento dia prome di juni 2020. Y loke a sorprend’e, tabata cu e lider di MAS, drs. Marisol Lopez-Tromp, a yama partido RAIZ, cu a priminti di no ta Sinterklaas, pero e lider di MAS mes a forma parti di Gobierno cu a manda e carta Parlamento.
No solamente informando Paramento di e proyectonan cu nan lo sostene financieramente, pero tambe cu tur e cifranan cu e proyectonan aki lo bay costa. P’e parlamentario di RAIZ, esaki tabata un sorpresa di scucha su disertacion, cu e decisionnan tuma tempo cu e tabata Minister pero cu awo ta problema. E ta bisa cu e no ta na altura, mientras cu Tromp mes a sostene e carta cu a bay Staten for di Gobierno pa informa tocante e proyectonan aki.
El a haci pregunta n’e Lider di MAS si e tempo ey, e tabata Sinterklaas interino, pa motibo cu e tabata tira palabra mientras cu e tambe a sinta den un stoel pa a tuma cierto decisionnan. Ta lamentabel pa wak, cu ta wak un periodo unda cu hopi hende a perde trabou, unda cu tabata tin incertidumbre si por a haci compras, trece pan riba mes. Y e companianan, si esunnan chikito, lo keda existi.
Pa mas informacion lesa TREMPAN.
