Manera cu a yega di publica algun tempo atras (https://24ora.com/brickell-bay-beach-club-aruba-lo-bira-radisson-red/), doño nobo di un propiedad hotelero den area di high rise na Palm Beach tabata den negociacion cu Radisson Red pa bira e operador nobo. Sinembargo, a bira conoci e siman aki cu a cera un acuerdo mas bien cu un di e marcanan cu ta cay bou e paraplu di Wyndham, esta TRYP.
Den 2023, Brickell Bay Beach Club & Spa cu ta un hotel chikito, di 98 camber lo pasa door di un proceso di rebranding pa bira TRYP by Wyndham. E informacion a keda publica door di nan mesun gerente general, Juan Keyter riba plataforma social. Kico a sosode cu Radisson Red mes lo bin mas no ta conoci pa nos redacccion.
Lo renoba e fachada di e edificio, camber y otro areanan di e hotel. Keyter a comparti algun imagen di con producto final un bes e keda cla, manera ta programa, den prome trimester di proximo aña.
