Den Pueblo basta reaccion a drenta ora a huramenta Ricardo Croes como Parlamentario. Algun comentarista ta considera esaki un degradacion di nos Parlamento. Net nos ta den e siman di promocion contra droga na tur scol etc cu FADA, y awor gobernador a huramenta un persona cu ta usa marihuana.
Den porta di Gabinete di Gobernador riba e prome bishita cu Ricardo Croes a haci como lider di RED, el a admiti despues di eleccion cu e ta usa marihuana keto bay. El a bay mas leu di bisa tambe cu si puntre mayan e lo confirma cu mesun contesta. Pesey pa algun dia caba ta cuestionando den pueblo con un hende manera Ricardo Croes cu ta lider di RED por expresa cu e ta limpi di droga pa algun aña caba y despues di resultado di eleccion ta admiti publicamente cu e ta droga practicamente tur dia. E reaccionnan ta culpando gobernador cu a comete un eror dor di a huramenta un hende cu ta promove droga y kier legaliza droga recreacional. Tur esfuerzo di FADA y otro instancianan contra droga ta manera no tin balor cu un aceptacion sin mas di un Parlamentario drogadicto. Un hende por bira minister y mester pasa screening den tur forma y test di droga etc. Awor esun cu ta controla gobierno trahando den parlamento como órgano mas halto, no tin screening y ta usa marihuana.
