Via di Island Finance, cu tin algun aña caba cu nan ta yuda scolnan di SKOA riba e parti di material pa movecion di salud. Den e caso aki cuater scol a bin na turno, cual ta Pius X School, Caiquetio School pariba di brug, Imelda Kleuterschool y tambe Bon Bini na Madiki. Tur aña ta acerca SKOA pa nan por duna nomber di scolnan cu mester di material, specificamente pa e vak di movecion y salud.
E scolnan a ricibi materialnan cu nan a duna di conoce cu nan lo mester pa nan gymzaal.
Tin diferente material manera di futbol, tennis, y diferente cosnan cu e scol ta mira necesario pa por yega na e metanan di e materia di movecion y salud.
Esaki ta di cuater aña cu Quota ta bini cu proyecto Sports With Love na unda conhuntamente cu gerencia di Island Finance ta elabora un poco mas na con por yuda comunidad di Aruba.
Ta pensa sigur riba e muchanan ora ta trata esaki y den e ultimo aña a bin ta haci donacion aki di material pa scol cu sigur e muchanan ta haci bon uzo di dje. Danki tambe ta bay na Mario Sports Shop cu ta traha conhuntamente cu e organisadonan ta percura pa haya tur material cu pidi. “
DEPORTE TA IMPORTANTE
SKOA ta haya cu deporte ta un parti hopi importante y pa e motibo aki a dicidi basta tempo atras pa introduci docentenan di movecion y salud na cada scol. “Nos ta mir’e manera un parti hopi imporante pa trece e materia aki. Pasobra un mucha cu ta solamente haci e parti di siñamento y no ta haci movecion, bo no ta haya e complecion di cual por of no,” segun directora di SKOA, Anuesca Baly. Pa medio di haci diferente actividad den e materia di movecion y salud, nan ta haya ambos. SKOA ta mira esaki manera un parti tambe den cuido di mucha, y sigur riba dia internacional di mucha pa SKOA esaki ta un grato sorpresa. “Nos ta hopi contento y agradecido cu Island Finance ta sponsor e materialnan aki pa nos.”
