Recientemente artista local, Gareth Rosa, miho conoci como GegeMan a lansa su proyecto nobo riba plataforma internacional. GegeMan no ta un persona desconoci den e mundo di musica.
E tin algun aña caba ta cantando musica rap. Ta trahando hunto cu un “upcoming artist” di Colombia pa lansa su proyecto. Igualmente e artista a mustra cu e intencion ta pa graba e video clip cu lo ta parti di e proyecto tanto na Aruba y Colombia.
Angelo Maduro cu ta manager di e proyecto, a splica cu tawata tin contacto cu un manager musical na Colombia cu a keda impresiona cu talento di Gegeman. Maduro a splica na momento cu a yega Colombia cu varios musico ta dunando contribucion pa e proyecto di Gegeman.
Greyssy Criale cu ta inversionista pa e proyecto, a splica cu ta e prome proyecto cu e lo financia, segun Criale ta mustra: “Mi ta haya cu nos tin hopi talento, mayoria di akinan ta superbon”.
