Ministerio di Infrastructura y Gestion di Awa (Infrastructuur en Waterstaat/IenW) kier cambia e Ley di Aviacion BES. E cambio aki ta haci posibel pa institui reglanan special pa rutanan aereo den Caribe Hulandes tambe entre e islanan y e otro partinan di Reino. Tur hende por reacciona te cu 26 di juli riba e proyecto aki.
Cu e ley nobo e minister di Infrastructura y Gestion di Awa (IenW) por traha reglanan pa companianan di aviacion cu ta bula riba cierto ruta. Por ehempel prijs di pasashi maximo, un cantidad minimo di vuelo pa siman i un cierto cantidad di asiento pa vuelo. E minister por dicidi tambe pa scochi un di e companianan di aviacion pa e rutanan aki via un destaho.
![](https://24ora.com/wp-content/uploads/2024/06/Flamingo-Airport.jpg)
E meta di e cambio aki ta pa mehora e accesibilidad di e islanan den Caribe Hulandes. Specialmente pa Sint-Eustatius y Saba un bon conexion aereo cu Sint Maarten ta hopi importante. Miho accesibilidad ta yuda cu desaroyo economico social y ta percura cu por ehempel scol- y hospitalnan ta miho accesibel.
Awor aki e ley ta den su prome fase, e fase di consulta. Na momento numa cu a aproba e ley, por institui e reglanan nobo. Despues mester busca finansas tambe. E gabinete nobo lo dicidi riba esaki.
Te cu 26 di juli 2024 tur hende por duna nan opinion riba e proyecto aki via e website Overheid.nl.